ගිනියම්
පොළව නිවා දමමින් වැටුණු
වර්ෂාව
වර්ෂාව
පසුගිය කාලයේ
සමාජයේ වැඩි වශයෙන් ආන්දෝලනයට ලක් වූ මාතෘකාවක් හෙයින් මේ සම්බන්ධව නෙල්ලි bolg
එකට ලිපියක් ලියන්නට මා අදහස් කළා ය. හිරු කිරණින් ගිනියම් වූ ලක් දරණි තලය දහඩියෙන්
වැගිරුණු මනු කය ,වියලී ගිය ගස් කොළන් මෙන්ම දියා සොයා ඇදුනු සත්වයන් නිවා සනහන්නට
වර්ෂාව සමත් විය.
අව් රශ්මියෙන්
අධික ලෙස පීඩාවට පත් වූ ජනතාව අපමණය.එම නිසා ජීවිතක්ෂයට පත් වුවන්ද නැතුව නොවේ. එතනින්
නතර නොවූ මේ ආපධාව ගස් වැල් ,සතා සිව්පාවන්ද ,ගෙවල් දොරවල් ආදී සියල්ලම විනාශ
කරමින් මහා වැස්සක් වැටුණේ කිසිවෙකුත් බලාපොරොත්තු නොවූ පරිදිය. පොසොන් සඳ මෝදු
වෙමින් පවතින විට පවතින විට වර්ෂාවත් සමඟ ගිනියම් පොළව නිවා දමමින් වැටුණු
වර්ෂාවත් සමඟ පොසොන් සමරන්නට ලක ලැස්ති වුයේ මෙවැනි ආපධාවක් සිදු වේ යැයි කිසිවෙකුත්
බලාපොරොත්තු නොවූ නිසාය.
නමුත්
කිසිවෙකුත් නොසිතූ අන්දමින් එක් ක්ෂණයකින් මුළු රටා පාහේ විනාශය කිරීමට මහා
වැස්සක් සමත් විය. වැව් ,ජලාශ ආදියේ ජලය පිරී
ඉතිරී යෑම හේතුවෙන් වාන් දොරටු විවෘත කිරීමත් සමඟම කිසිදා යට නොවූ ප්රදේශ පවා මහ
වැස්සට යට වුණි. මිනිසුන්ගේ ජන ජීවිතය මෙන්ම ජීවිත හානිද ඇති විය. බලාපොරොත්තු
නොවූ පරිදි මහා විනාශයක් ලක් දරණි තලයට සිදු විය. බලාපොරොත්තු නොවූ වර්ෂාව සහ මහා
විනාශය හේතුවෙන් මිනිසුන්ගේ ජන ජීවිතය නගා සිටුවීමට කෙතරම් වෙහෙසක් දැරිය යුතුද?
එමෙන්ම විපතට
පත් වුවන්ට සහන සැලසුවන් අගය කිරීම අනිවාර්යෙන් සිදු කළ යුතුය.ලාංකීය මිනිසාගේ මනුස්සකම
,මිනිසත් බව ,පරිත්යාගශීලිත්වය ,ආදිය මැනවින් නිරූපණය වුයේ මහා බඩු මළු කඳ බැඳගෙන
ආධාර ගෙන ගොස් දීමෙනි.
මෙවැනි
මිනිසත්කමින් පිරුණු ඇත්තන් බොහොමයක් සිටින රටේ මෙසේ අමන පහත් වැඩ කරන සුළුතරය ගැන
සදහන් කිරීමද සිදුකල යුතුය. මන්ද ආගම දහම ඉහළින් අදහන රටක් ලෙස උදේ සවස
අදින්නාදානා සිල්පදය සමාදන් වෙමින් දෙවියන් අදහන විපතට පත් වුවන්ගේ නිවෙස් වලට පැණ
රත්ත්රන් මිල මුදල් කොල්ල කන පිරිස්ද නැත්තේම නොවේ.
එකම රටක් ලෙස ජාතියක්
ලෙස අත් වැල් බැඳ සැවොම සිටිය යුතු මොහොතක මෙවැනි දේ සිදුවීම හදවත් කම්පා කරවන
සුළුය. ජීවිතක්ෂයට පත් වුවන්ට විපතට පත් වුවන් නැවත නගා සිටුවීම සඳහා අපි සැවොම එක
මව් තුරුලේ හැදී වැඩුණු පිරිසක් ලෙස සොයුරු පෙමින් නැවතත් රට ගොඩනැංවීමට උත්සුක
වෙමු.
ශෙහානි ලියනගේ
කැළණිය
විශ්ව විද්යාලය
No comments:
Post a Comment